06:09 msk, 17 Декабрь 2018

Марказий Осиё янгиликлари

МДҲ жанубий сарҳадларида юзага келаётган ҳавотирли вазият борасида

22.11.2018 16:59 msk

Фарғона

Валерий Семериков. КХШТФ матбуот хизмати
Афғонистоннинг Тожикистон ва Турманистон чегараларида кучли экстремистик гуруҳлар пайдо бўлган. Бу ҳақда Коллектив хавфсизлик шартномаси ташкилотининг (КХШТ) Бош котиби вазифасини бажарувчиси Валерий Семериков Москвада бўлиб ўтган МДҲга азо давлатлар хавфсизлик кенгашлари котибларининг еттинчи йиллик учрашувида айтиб ўтди, деб хабар беради КХШТ сайти.

Семериков Афғонистон ўзининг ички сиёсий беқарорлиги ва тугаб-битмас гиёҳванд моддалар оқими билан ташкилотни ҳавотирга солишини таъкидлади. «Бугунги кунда мазкур давлат ИГИЛ (тақиқланган террорчи “Ислом давлати” ташкилоти) жангариларининг маконига айланиб бормоқда», — деди у.

КХШТ раҳбари халқаро вазият кескинлигини ҳисобга олган ҳолда давлатларнинг коллектив ва алоҳида хавфсизлигини таъминлаш учун халқаро ва минтақавий кучларнинг бирлашувига алоҳида урғу берди. «Ҳозирги замонда мана шундай ёндашув мамлакатларимиз суверенитети, хавфсизлиги, ҳудудий яхлитлилигини таъминловчи омил бўла олади», — деди Семериков.

Ноябрь бошида КХШТга аъзо давлатлар раҳбарлари учрашиб, коллектив кучларни замонавий қурол-яроғ ва ҳарбий техникалар билан таъминлашга келишиб олдилар. Учрашувда Қозоғистон президенти Нурсултон Назарбоев ҳарбий ҳамкорлик масалаларига алоҳида тўхталиб, бугунги кунда КХШТ штаби шаклланиб улгургани, эндиликда ташкилотнинг фавқулодда ҳолатларда ҳаракат қиладиган Марказининг тўлиқ фаолият юритиши учун тайёргарлик ишлари якунланаётганини айтиб ўтди.

“Фарғона” халқаро ахборот агентлиги