09.10.2018 09:08 msk

Фарғона

Ўзбекистон Ташқи ишлар вазирининг биринчи ўринбосари Ботиржон Асадов мамалакатнинг Россиядаги фавқулодда ва мухтор элчиси этиб тайинланди, дея хабар беради UzDaily.uz. У аввалги элчи, кейинчалик “Ўзбекнефтгаз” компанияси бошқарув раиси лавозимини эгаллаган Баҳром Ашрафхоновнинг ўрнига келган. Россия Ташқи ишлар вазири ўринбосари Григорий Карасин 8 октябрь куни ишонч ёрлиқларини қабул қилди ва Асадовни янги лавозим билан табриклади.

Дипломатлар Россия-Ўзбекистон алоқалари, РФ президентининг 18 октябрга тайинланган Ўзбекистон сафарига тайёргарлик бориши тўғрисида фикр алмашдилар. Бундан ташқари, улар бўлажак Россия-Ўзбекистон саммити доирасида икки томонлама ҳамкорликни ривожлантиришга доир имзоланадиган ҳужжат лойиҳаларини муҳокама қилдилар.

Асадов 2018 йил февралда Ўзбекистон Ташқи ишлар вазири Абулазиз Комиловнинг биринчи ўринбосари этиб тайинланган. Бунга қадар у мамлакат Савдо-саноат палатаси раисининг ўринбосари, 2017 йилгача Ўзбекистоннинг Кореядаги элчиси вазифаларида ишлаган. У, шунингдек, Сенатнинг халқаро муносабатлар, ташқи иқтисодий алоқалар, хориж инвестицияси ва туризм бўйича қўмитаси раисининг ўринбосари лавозимида ҳам ишлаган.

“Фарғона” халқаро ахборот агентлиги