10:02 msk, 22 Июнь 2018

Марказий Осиё янгиликлари

Ўзбекистонда алоҳида тоифадаги пенсионерлар пенсияларини бутун ҳолатда оладилар

04.01.2018 18:16 msk

Фарғона

uz24.uz сайти фотоси
Ўзбекистонда бундан буён фахрий унвонларга эга меҳнат қилувчи пенсионерлар пенсияни тўлиқ миқдорда олади. Бу Ўзбекистон Президентининг 28 декабрдаги «Меҳнат фаолиятини олиб бораётган пенсионерларнинг айрим тоифаларига қулай шарт-шароитларни яратиш бўйича қўшимча чора-тадбирлар тўғрисида"ги фармонида кўзда тутилган.

Шунингдек меҳнат шартномаси асосида меҳнат қилиш асносида илм-фан, адабиёт ва санъат соҳаларида ижодий ишлари учун қалам ҳақи (гонорар) кўринишида даромад олувчи пенсионерлар ҳам нафақа пулларини тўлиқ ҳажмда олади.

Фармон билан текширишлар натижасида аниқланган 65 ёш ва ундан катта фуқаролар учун ҳамда 2010 йилгача тайинланган пенсия ва нафақалар бўйича ортиқча тўланган сумма ҳисобдан чиқарилди.

Ҳужжатда пенсионер туман Бюджетидан ташқари пенсия жамғармасининг ортиқча тўланган пенсия ва нафақалар суммасини ушлаб қолиш ҳақидаги қароридан норози бўлган тақдирда ортиқча тўланган суммани (аниқланган пайтдан бошлаб уч йилдан ошиқ бўлмаган муддат учун) суд тартибида ундириш тартиби жорий этилди.

Пенсия жамғармасининг ҳудудий бўлимлари қонунчиликда кўзда тутилган асослар бўлган тақдирда иш стажини тасдиқлаш учун судларга даъво аризасини тайёрлашда кўмак кўрсатади.

“Фарғона” халқаро ахборот агентлиги