21:51 msk, 17 Октябрь 2018

Марказий Осиё янгиликлари

GM Uzbekistan ребрендингдан сўнг Россия бозоридаги ўз позицияларини кескин тарзда яхшилади

12.12.2017 21:47 msk

Фарғона

GM Uzbekistan маҳсулоти. Компания матбуот хизмати фотоси
GM Uzbekistan компанияси 2017 йил 11 ойи якуни бўйича Россияда 12 978 та автомобиль сотди, ҳолбуки ўтган йилнинг шу даврида 1312 та сотилганди. Бу ҳақда Европа бизнеси ассоциацияси (ЕБА) ҳисоботида сўз юритилган.

Шу йилнинг ноябрида 1831 та GM Uzbekistan маҳсулотлари сотилган, ҳолбуки ўтган йилнинг шу ойида 420 та машина сотилган, холос. Шундай қилиб, бир ой ичида Россия Федерациясида ўзбек машиналарини сотиш 336%, бир йилда эса 889 фоизга ўсди. Россия автомобиль бозоридаги ўзбек автомобиль ишлаб чиқарувчиларининг улуши айни пайтда 0,9 фоизни ташкил этмоқда.

Эслатиб ўтамиз, Россия 2012 йилда 88 мингта ўзбек машиналарини сотиб олган. 2013 йилда бу кўрсаткич 60 мингтага тушиб кетган. 2014 йилда GM Uzbekistan Россияда 37,7 мингта, 2015 йилда – 20, 4 мингта машина сотган.

2015 йилда GM Uzbekistan ребрендинг ўтказди ва чет элга “Равон” русумли автомобилларни чиқаришини эълон қилди. Ушбу русумидаги автомашиналар 2016 йилдан сотила бошланди. Биринчи ойда РФда бор-йўғи 237 та машина сотилди. Ушбу кўрсаткич аста секин ўса бошлади.

“Фарғона” халқаро ахборот агентлиги