14:55 msk, 18 Август 2018

  

Марказий Осиё янгиликлари: Сиёсат

Яна «катта окахон»ми? Ўзбекистонда Бош прокуратура каримовчи МХХ ўрнини боса оладими?

Яна «катта окахон»ми? Ўзбекистонда Бош прокуратура каримовчи МХХ ўрнини боса оладими?

13.08.2018 11:44 msk

Ўзбекистон президенти Шавкат Мирзиёев прокуратура соҳасини коррупционерлардан тозалагандан кейин кутилмаганда унинг сафи кенгайди. Эндиликда прокуратура жамиятдаги инсон фаолияти билан боғлиқ барча соҳаларни назорат қилади: соғлиқни сақлаш, қишлоқ хўжалиги, саноат – то кино ишаб чиқиш тизимигача. Авваллари республикада бу каби вазият кузатилган ва буларнинг ортида ҳаммани қўрқувга соладиган бир ташлилот – МХХ турарди.

Мирзиёев Ўзбекистоннинг юксалиш даврига ўтганини эълон қилди. Бу сўзлар нақадар ҳақиқатга яқин?

Мирзиёев Ўзбекистоннинг юксалиш даврига ўтганини эълон қилди. Бу сўзлар нақадар ҳақиқатга яқин?

10.08.2018 14:43 msk

Ўзбекистон президенти мамлакатда фаровонлик даври бошланаётганига ишонади. Дарҳақиқат, республика ҳаётида кўп нарсалар ўзгармоқда, уларнинг нақадар ижобий томонга ўзгараётгани борасида бирорта хулосага қелиш қийин, чунки айрим ислоҳотлар амалга оширила бошланди, айримлари эса қоғоздагина мавжуд. Статистикага мурожаат қилган ҳолда, Шавкат Мирзиёевнинг Ўзбекистоннинг гуллаб-яшнаётгани тўғрисидаги сўзлари нақадар ҳақиқатга яқин эканини бир текшириб кўрдик.

Разведканинг янги маълумотлари. Полковник Маҳмуд Худойбердиев Ўзбекистонни тарк этганми?

Разведканинг янги маълумотлари. Полковник Маҳмуд Худойбердиев Ўзбекистонни тарк этганми?

27.07.2018 14:58 msk

Тожик махсус хизматлари қувғиндаги полковник Маҳмуд Худойбердиев ҳаёт экани ва Ўзбекистонни тарк этганини маълум қилади. Бу Тошкент ва Душанбе ўртасида ўрнатилаётган дўстона муносабатларга халал берадиган яна битта тўсиқ йўқ бўлганини англатади. Худойбердиевга нисбатан унинг юртида ватан хоинлиги ва давлат тўнтариши билан боғлиқ қўйилган айблар ўз кучини йўқотмаган, президент Раҳмон ғанимларини кечирадиган одамлардан эмас. Биз Тожикистонда фаолият юритган энг машҳур дала қўмондонининг “дўстумча” мўйлови ва қизил байроқ остида Душанбени ишғол қилмоқчи бўлганидан ташқари, яна нималар билан донг таратганини эслаб кўришга ҳаракат қилдик.

Остона ҳадлаб ўтган Дўстум. Ўзбеклар етакчиси қайтганидан сўнг Афғонистонда қандай воқеалар юз бериши мумкин?

Остона ҳадлаб ўтган Дўстум. Ўзбеклар етакчиси қайтганидан сўнг Афғонистонда қандай воқеалар юз бериши мумкин?

25.07.2018 14:13 msk

Афғонистонга ўзбеклар етакчиси, вице-президент генерал Дўстум қайтди. У бундан 14 ой муқаддам Жаузжон вилоятининг собиқ губернаторини ўғирлаб, қийноқларга солганликда айблангани учун Туркияга кетишга мажбур бўлганди. Июль бошида ҳукумат Дўстум тарафдорларининг бирини қамоққа олгани мамлакат шимолида норозиликлар келиб чиқишига сабаб бўлди. Ҳукумат Дўстумни ватанга қайтишга кўндирди, лекин энди сиёсий кучлар мувозанати ўзгариши мумкин, зеро октябрда Афғонистон парламенига сайловлар ўтказилиши кутилмоқда.

Оқариши қийин бўлган доғлар...Коррупцияни енгиш учун яна қанча раҳбарларни қамоққа тиқиш керак?

Оқариши қийин бўлган доғлар...Коррупцияни енгиш учун яна қанча раҳбарларни қамоққа тиқиш керак?

19.07.2018 14:16 msk

Ўзбекистонда кўплаб давлат хизматчилари ишдан олиняпти ва кейинги ярим йил ичида 857 нафар амалдорга нисбатан жиноий ишлар қўзғатилган. Коррупция, пора, идоравий бошқарувни билмаслик, амални суиистеъмол қилиш – буларнинг барчаси раҳбарлар устидан текширувлар олиб борилиши ва уларнинг ишдан олинишига сабаб бўлмоқда. Лекин Каримов етиштириб чиққан кадрлар ўрнини ким босади - бу катта масала ва бугунги кунда Ўзбекистонда давлат ишларига четдан мутахассисларни ёллаш ишлари фаол олиб борилмоқда.

«Ўтириш»га  хуш келибсиз!  Мирзиёев гапларига ишониб қайтган одамларни Тошкент аэропортида кишан билан кутиб олишмоқда

«Ўтириш»га хуш келибсиз! Мирзиёев гапларига ишониб қайтган одамларни Тошкент аэропортида кишан билан кутиб олишмоқда

11.07.2018 15:00 msk

Ўзбекистонда икки ой ичида республиканинг биринчи президенти Ислом Каримов даврида қидирилаётганлар рўйхатига киритилган тўртта одам қўлга олинди. Уларнинг барчаси президент Шавкат Мирзиёевнинг ватанга қўрқмасдан қайтишлари, иш қайта кўрилиб, улар ҳибсга олинмаслиги тўғрисидаги ваъдаси ишониб қайтган инсонлардир. Уларнинг учтасига аэропортнинг ўзидаёқ қўлларига кишан тақишади, биттасини уйига келгандан сўнг бир соат ўтиб олиб кетишади. У АҚШ фуқароси бўлгани учун кейинчалик озод қилишади. Бизлар нима бўлаётгани, бу ҳисбларда бирорта мантиқ бор-йўқлигини суриштириб кўрдик.

Кенгаш керак. Ўзбекистоннинг “буюк келажаги” ҳақида ўйлар

Кенгаш керак. Ўзбекистоннинг “буюк келажаги” ҳақида ўйлар

30.05.2018 12:24 msk

Машҳур россиялик журналист, медиа-менежери ва “Фарғона” халқаро ахборот агентлигининг бош муҳаррири Даниил Кислов яқинда Ўзбекистондаги ислоҳотларни қўллаб-қувватлаш мақсадида ташкил этилган «Buyuk kelajak» Халқаро экспертлар кенгашига аъзо бўлди. Кенгашда турли хориж мамлакатларида ўз ўрнини тополган юздан ортиқ мутахассислар иш бошлаган. Даниил Кислов ўз мақоласида нима учун ушбу ташкилотда иштирок этиш таклифини қабул қилганига изоҳ беради.

Шахсга сиғиниш. Марказий Осиё президентларининг подишоҳларга айланиши ҳақида

Шахсга сиғиниш. Марказий Осиё президентларининг подишоҳларга айланиши ҳақида

28.05.2018 13:19 msk

Марказий Осиёда ажойиб одат мавжуд: президент шарафига ҳайкаллар ўрнатилади, конституция ўзгартирилади, шеърлар ёзилиб, қўшиқлар яратилади, унинг номи билан шаҳарлар аталади, бир сўз билан айтганда доҳийни ҳурсанд қилиш учун неки ишлар бўлса, барчаси қилинади. Толстой сўзларини қуйидагича талқин қилиш мумкин: бахтиёрликда Марказий Осиёнинг барча доҳийлари бир-бирига ўхшайди.

«Мен Каримов қонини тўкишдан бош тортганман». Муҳаммад Солиҳ Абдуллаев иши,МХХ провокациялари ва «Жатва» лойиҳаси ҳақида

«Мен Каримов қонини тўкишдан бош тортганман». Муҳаммад Солиҳ Абдуллаев иши,МХХ провокациялари ва «Жатва» лойиҳаси ҳақида

25.04.2018 13:04 msk

"Тўртлик" ишини кўраётган Тошкент шаҳар судида ҳозирда Туркияда яшаётган, мухолифат сиёсатчиси Муҳаммад Солиҳнинг исми тез-тез тилга олинмоқда. Судланувчи Абдуллаев, Насриддинов, Оллоёров ва Салаев ҳукумат ағдариш мақсадида Солиҳ билан алоқа қилганликда гумон қилинмоқда. Прокурорларни Солиҳ билан бўлган суҳбатлар, ёзишмалар қизиқтиради, бироқ судя Солиҳни ҳеч бўлмаганда онлайн режимида кўрсатма беришга чақирмаяпти. “Фарғона”нинг бош муҳаррири Даниил Кислов Стамбулда бош муҳолифатчи билан учрашиб, унга судда берилиши керак бўлган саволлар билан мурожаат қилди

Келажак сари ортга. Нега Ўзбекистон ДХХ ходимларига дахлсизлик мақоми берилди?

Келажак сари ортга. Нега Ўзбекистон ДХХ ходимларига дахлсизлик мақоми берилди?

13.04.2018 12:20 msk

"Ўзбекистонда куни-кеча “Давлат хавфсизлик хизмати ҳақида”ги қонун кучга кирди. Маълумки, бундан уч ҳафта олдин президент Шавкат Мирзиёев “ваколатлари асоссиз равишда кенгайиб кетган” Миллий хавфсизлик хизматининг номини ўзгартирганди. Ваниҳоят, миллионлаб одамларнинг қалбига қўрқув солиб келган улкан ташкилот ваколатлари қисқартирилишига, халқ кўкрагига шамол тегишига умид пайдо бўлгандек туюлганди... Лекин ДХХ ҳақида қабул қилинган янги қонун янги хавотирларни юзага чиқарди".

Ортга силжиш. Экспертларнинг  Ўзбекистон ДХХ раҳбари кимларга хавф солаётгани ҳақидаги фикрлари

Ортга силжиш. Экспертларнинг Ўзбекистон ДХХ раҳбари кимларга хавф солаётгани ҳақидаги фикрлари

05.04.2018 12:35 msk

Ўзбекистон Давлат хавфсизлик хизмати раиси Ихтиёр Абдуллаев ўзининг биринчи нутқида жамиятга зарар келтирадиган асосий хавфларни таъкидлаб ўтди. Улар орасидан “Эрк” ва “Бирлик” мухолифатчи партиялар, хорижлик инвесторлар, Ўзбекистонда ўз таъсирини кучайтираётган диний фундаментализм ўрин олган. Биз сиёсатшунос ва ҳуқуқ ҳимоячиларидан Абдуллаев сўзларига изоҳ беришни ва бундай позиция Ўзбекистонга қандай хавф солиши мумкинлиги ҳақида ўз фикрлари билан ўртоқлашишни сўрадик.

Аркадий Дубнов: «Марказий Осиё ҳурмат талаб қилади»

Аркадий Дубнов: «Марказий Осиё ҳурмат талаб қилади»

02.04.2018 11:18 msk

Россия Марказий Осиёда кечаётган сиёсий жараёнларга катта ҳурмат билан ёндашиши керак, деб ҳисоблайди сиёсий шарҳловчи, Марказий Осиё бўйича мутахассис Аркадий Дубнов. Минтақа янги стратегиялар доирасида бирлашиб, ўзига хослиги, ўр ўрнини излаган ҳолда, империяга ошиқмандлик касаллиги маҳсули бўлмиш “Рус дунёси” мафкурасини хазм қилмайди. Москвада “Марказий Осиё ва Россия: умум келажак сари” деб номланган давра суҳбати бўлиб ўтди. Унда халқаро тадқиқот марказлари раҳбарлари, мутахассислар, жумладан Аркадий Дубнов нутқ сўзлади ва биз уни эътиборингизга ҳавола қиламиз.

Москвага қўл силтадиларми? Аркадий Дубнов собиқ совет Осиёсининг ўз ўйинлари ҳақида

Москвага қўл силтадиларми? Аркадий Дубнов собиқ совет Осиёсининг ўз ўйинлари ҳақида

17.03.2018 16:40 msk

Остонада Қозоғистон, Қирғизистон, Ўзбекистон ва Тожикистон президентларининг “маслаҳат учрашуви” бўлиб ўтди. Туркманистон президенти учрашувга келолмади, унинг ўрнида парламент спикери қатнашди. Бу кўп йиллардан бери минтақадаги улкан қўшнилар — Россия ёки Хитойсиз ўтказилган дастлабки учрашув бўлди. Мазкур анжуманнинг муҳимлиги нимада, нега энди у ҳозир ўтказилди, Москванинг энг содиқ иттифоқчиси ва ҳамкорларининг йироқлашаётгани нималарнидир англатадими? Бу ҳақда сиёсатшунос, Марказий Осиё бўйича мутахассис Аркадий Дубнов ўз фикрлари билан баҳамлашади.

Севги ва қўрқув. Мирзиёевнинг Тожикистонга қилган биринчи ташрифи якунлари борасида

Севги ва қўрқув. Мирзиёевнинг Тожикистонга қилган биринчи ташрифи якунлари борасида

13.03.2018 13:38 msk

Тожикистон Шавкат Мирзиёев ташриф буюрмаган ягона чегарадош давлат эди, ҳолбуки 2017 йил сўнгида Ислом Каримов ўрнини эгаллагандан сўнг, янги президент бу мамлакат раҳбари билан мулоқотга тайёр эканини таъкидлаганди. Аввалги ўзбек президенти охирги марта Душанбеда 2000 йил июнда бўлганди, Имомали Раҳмон эса сўнг бор Тошкентга 1998 йили январь ойида ташриф буюрган. Ўзбекистон президентининг мазкур ташрифи мамлакатлар ўртасидаги муносабатларни янги босқичга кўтариш тимсолини англатгани учун, ўртадаги мавжуд муаммолар имкон даражада силлиқланди.

Берия мероси хизмати. Ўзбекистон учун Рустам Иноятовнинг истеъфоси нималарни англатади

Берия мероси хизмати. Ўзбекистон учун Рустам Иноятовнинг истеъфоси нималарни англатади

31.01.2018 21:57 msk

Миллий хавфсизлик хизмати раҳбари Рустам Иноятовнинг истеъфоси, гарчи бу ҳақдаги миш-мишлар пайдо бўлганига бир йилдан ошган бўлишига қарамай, Ўзбекистон учун янгилик бўлиб қолди. Энди қудратли ва ҳамма нарсага қўли етадиган махсус хизматларининг раҳбари учта ҳарфли СНБ ҳаммани даҳшат ва титроққа солиб келган даврнинг тимсолига айланиб қолди. Бироқ, Иноятовнинг кетиши билан мамлакатда эркин нафас олса бўладими? Бу саволга Марказий Осиё бўйича эксперт, халқаро муносабатлар журналисти Аркадий Дубнов жавоб беришга уриниб кўради.

«Супер» префикси билан. Ўзбек футболининг ислоҳоти нималарга олиб келади.

«Супер» префикси билан. Ўзбек футболининг ислоҳоти нималарга олиб келади.

23.01.2018 21:07 msk

Ўзбекистонда футбол инқилоби бошланди. Ўйин сифатини оширишни ўзига мақсад қилиб белгилаб олган Ўзбекистон Футбол федерацияси Профессионал футбол лигасида, ҳозирда эса Суперлигада иштирок этувчи жамоалар сонини қисқартирмоқчи. Футбол федерацияси мулозимларига кўра, бу қарорнинг ҳаётга татбиқ этилиши футбол ишқибозларини стадионларга қайтаради, шунингдек, миллий терма жамоа ўйинининг янги даражага кўтарилишига ёрдам беради. “Фарғона” кутилаётган ўзгаришлар ўзбек футболига қанчалик фойда келтиришини аниқлашга ҳаракат қилди.

Қайтишга кафолат йўқ. Ўзбекистон президенти четдаги ватандошларни нима билан жалб қилиши мумкин

Қайтишга кафолат йўқ. Ўзбекистон президенти четдаги ватандошларни нима билан жалб қилиши мумкин

19.01.2018 01:28 msk

Каримов даврида миллионлаб ўзбекистонликлар ватанни тарк этди. Кимдир пул топиш ва порлоқ келажак учун, кимдир эса сиёсий сабаблар туфайли кетди. Бугун Шавкат Мирзиёев ватандошларни қайтаришга ҳаракат қилмоқда, аммо чақиришнинг ўзи кифоя қилмайди: хориждаги ўзбек капиталини жалб қилиш механизмлари керак, кетганларга амнистия эълон қилиш керак, жиноий моддаларни юмшатиш ва иқтисодий қонунларни одамийлик нуқтаи-назаридан қайта кўриб чиқиш керак. “Фарғона” ўзбек эмигрантларининг қайси шароитда ватанга қайтиши ва мамлакат ривожига маблағ ётқизиши мумкинлиги билан қизиқди. Илк жавобларни эътиборингизга ҳавола этамиз.

“Ўзбекистоннинг биринчи миллиардери бўлишим мумкин эди”. Рустам Усмонов ватанидаги ўтмиши ва Россиядаги келажаги ҳақида

“Ўзбекистоннинг биринчи миллиардери бўлишим мумкин эди”. Рустам Усмонов ватанидаги ўтмиши ва Россиядаги келажаги ҳақида

15.01.2018 08:33 msk

Ўзбекистондаги биринчи хусусий банк асосчиси, тадбиркор Рустам Усмоновни республикадан ташқарида ҳам яхши танишади. Уйдирма айбловлар билан умрининг 19 йилини қамоқда ўтказди – бу ҳақда “Фарғона” кўп ёзган – ва ўтган йилнинг февралида озодликка чиқди. Энди айбсизлигини исботлаш учун яна суд ўтказилишини талаб қилмоқда. Бир неча ой олдин Рустам Турдиевич Россия паспортини олди. “Фарғона” мухбири бизнесмен билан учрашиб, Россияда нима билан шуғулланмоқчи эканлигига қизиқди. Суҳбат давомида анча-мунча гаплар очилиб кетди – унга қўзғатилган жиноий ишнинг ҳеч ким билмаган тафсилотлари, Тошкентдаги терактлардан икки йил олдин бир юқори ловозимли амалдорнинг ҳукумат биносини портлатишни таклиф қилгани ҳақида билиб олдик.

От ҳам таажжубда. Ўзбекистон президентининг расман ижтимоий тармоқларга ёзилгани ҳақида

От ҳам таажжубда. Ўзбекистон президентининг расман ижтимоий тармоқларга ёзилгани ҳақида

29.12.2017 17:02 msk

Ўзбекистон президенти Шавкат Мирзиёев ижтимоий тармоқларни муваффақиятли ўзлаштирмоқда. Давлат раҳбарининг аккаунтларини матбуот хизмати бошқаради ва уларни минглаб обуначилар кузатиб боради. Инстаграмнинг ўзида обуначилар 270 мингдан ортиқ. Улар давлат раҳбарининг суратларини иштиёқ билан лайклашади ва фикр билдиришади. Бир неча йил олдин бу фантастикадек туюлиши мумкин эди: бош вазир лавозимидаги Мирзиёев кўриниш бермасди. Республиканинг аксарият фуқаролари уни умуман кўрмаган эди.

Хавфсизлик керак. Туркиядаги ўзбекистонликлар Мирзиёевдан эркинлик кутмоқда

Хавфсизлик керак. Туркиядаги ўзбекистонликлар Мирзиёевдан эркинлик кутмоқда

29.12.2017 16:55 msk

Туркияда ўн олти мингдан ортиқ ўзбекистонлик яшайди. Айримлар яшашга, бошқалар ишлашга келган, айримлар эса ватанда юзага келган муаммолардан қочиб келган. Улар қандай қийинчиликларга дуч келмоқда, президент Шавкат Мирзиёевнинг фаолиятига қандай баҳо бермоқда-ю, ундан нимани кутмоқда – шу мавзулар Бурхан Кавунжу интервьюсида (Бурхан Кавунжу –Туркистонликлар бирдамлиги халқаро ассоциацияси “Türkistander” раҳбари).

Каламушлар даври тугадими? Шавкат Мирзиёев мақсадига эришмаса, лавозимини тарк этишга ваъда берди

Каламушлар даври тугадими? Шавкат Мирзиёев мақсадига эришмаса, лавозимини тарк этишга ваъда берди

26.12.2017 13:34 msk

Ўзбекистон президенти Шавкат Мирзиёев 22 декабрь куни тарихда илк бор парламентга мурожаатнома тақдим этди. Президентни селектор тизими орқали туман, шаҳар ва вилоятлардаги маҳаллий кенгашларга сайланган халқ депутатлари ҳамда барча бўғиндаги ижроия ҳокимияти органлари раҳбарлари ҳамда 33 та давлатдаги Ўзбекистон дипломатлари ҳам тингладилар. Ўз мурожаатномасида Шавкат Мирзиёев МХХни ислоҳ қилиш, журналистика университетини ташкил этиш, парламентдан экологларни йўқотиш, вилоятлар чегарасидаги йўл-патруль постларини тугатиш, реал иқтисодий кўрсаткичларга қайтишни таклиф қилди. Ислоҳотлари амалга ошмаса, лавозимини тарк этишга ваъда берди.

Мирзиёев президентлигининг биринчи йили рақамларда. Бюрократиядаги жадалликдан тортиб то қорамол сонигача

Мирзиёев президентлигининг биринчи йили рақамларда. Бюрократиядаги жадалликдан тортиб то қорамол сонигача

10.12.2017 15:59 msk

Ушбу ҳафта бошида Шавкат Мирзиёевнинг расман Ўзбекистон президенти бўлиб сайланганига бир йил тўлди. Унинг ҳокимият тепасига келишига мамлакат иқтисодиётида ва умуман жамиятда либерализацияга умид боғланган бўлиб, булар қаторига қўшни давлатлар билан ўзаро ҳамкорликни йўлга қўйиш ва мамлакат аҳолисининг турмуш даражасини ошириш ҳам киради. Ҳозирдан қандайдир хулосалар ясаш, айниқса иқтисодий кўрсаткичлар бўйича хулосалар қилиш учун вақт эрта бўлса-да, “Фарғона” ўтган йил бўйича республика раҳбариятининг амалга ошираётган ишларининг муваффаққияти ҳақида тасаввур берадиган бир қатор рақамларни келтириб ўтишга ҳаракат қилди.

Мирзиёев билан Ғани ўртасидаги мунозараларда “Дўстум мавзуси” ва чегарадаги тартибни енгиллатиш масалалари муҳокама қилинди

Мирзиёев билан Ғани ўртасидаги мунозараларда “Дўстум мавзуси” ва чегарадаги тартибни енгиллатиш масалалари муҳокама қилинди

10.12.2017 15:46 msk

“Фарғона” агентлигининг Афғонистон президенти яқинлари орасидаги манбалари таъкидлашича, Ашраф Ғанининг Ўзбекистонга ташрифи чоғида нафақат иқтисодий ҳамкорлик масалалари, балки “Дўстум муаммоси” ва афғон-ўзбек чегарасидаги хавфсизлик муҳокама қилинди. Маълум бўлишича, Ғанининг сафари икки марта кечиктирилган, бироқ бир томондан Қобул ва Исломобод ўртасидаги қарама-қаршилик кучайиб бораётган ва иккинчи томондан эса президент Ғанининг мухолифат билан муносабатларидаги инқироз чуқурлашаётган бир пайтда Афғонистон президенти Тошкентга сафар учун вақт ажрата олди. Қобул Исломободни “Толибон” ҳаракатининг афғон қанотини қўллашда ҳамда ИШИД жангариларини Яқин Шарқдан Афғонистонга ташлашда айбламоқда. Ғани маъмурияти савдо-иқтисодий шерик сифатида Покистонга муқобил мамлакат излашга мажбур ва манбаларга кўра, Ўзбекистон Покистоннинг ўрнини “боса оладиган” мамлакат сифатида кўрилмоқда.

Ислом Каримов: Буюк ҳукмдорми ёки ўз халқининг душманими?

Ислом Каримов: Буюк ҳукмдорми ёки ўз халқининг душманими?

29.08.2017 09:59 msk

Роппа-роса бир йил олдин Ўзбекистонда “Президентимиз тирик ва соғ-саломат” деб номланган шов-шувли, аммо қалбаки бир томоша кўрсатилган эди. 78 ёшли Ислом Каримовнинг ўлими 2016 йилнинг 29 август куни кундузи юз берган эди. Аммо унинг расман вафот этиш санаси 2 сентябр қилиб белгиланди. Умуман олганда, Каримовнинг қайси куни ўлгани унчалик муҳим ҳам эмас. Бугунги кунда унинг мероси қандай баҳоланаётгани муҳим. Пировардида, у ким ўзи? Буюк ҳукмдорми ёки давлат аҳамиятидаги жиноятчими? Доно сиёсатчими ёки бошқаларнинг фикрига қулоқ солмайдиган эгоистми? Реформаторми ёки мамлакатнинг иқтисодиётига болта урган золимми?

Россия Бош прокуратураси Ўзбекистонда Гулнора Каримовага тегишли кўчмас мулкни ҳибсга олиш тўғрисидаги сўровини олди

25.08.2017 07:43 msk

Россия Бош прокуратураси Ўзбекистон бош прокуратурасидан республиканинг биринчи президенти Ислом Каримовнинг тўнғич қизи Гулнора Каримовага тегишли барча кўчмас мулкни ҳибсга олиш тўғрисида сўровнома олди. Ўзбекистон Бош прокуратураси маълумотига кўра, Москвада “Камелот” турар-жой комплексида жойлашган пентхаус, “Рублевка” даҳасида ҳашаматли уй ва 8 та квартира, Ялтада –меҳмонхона комплекси, умумий қиймати 2 млн долларга тенг турар-жой биноси ва унга ёндашган ер участкаси ҳибсга олиниши керак.

Ўзбекистон: Бош вазир журналистларни ҳақорат қилди ҳамда телевидениедаги жонли эфирни тақиқлади

23.08.2017 16:18 msk

Ўзбекистон телевидениесида бундан буён Халқаро пресс-клубнинг сессиялари ҳамда яқиндагина ташкил этилган «Ўзбекистон 24» ва бошқа телеканаллар эфирида тўғридан-тўғри узатилмайдиган бўлди. Ўзбекистон янгиликларини ёритишга ихтисослашган қатор маҳаллий оммавий ахборот воситалари хабар беришича, мамлакат бош вазири журналистларга “онлайн кўрсатувларни эфирга яқинлаштирмаслик ва ҳар бир кўрсатувни эфирга беришдан олдин Хайриддин Султонов билан маслаҳатлашишни” буюрган.

Ғайритабаалар қасоси. Ўзбекистон тарихий қарзини Россияга қандай қайтармоқда

Ғайритабаалар қасоси. Ўзбекистон тарихий қарзини Россияга қандай қайтармоқда

22.08.2017 16:42 msk

Асосан кўчиб келган руслар, совет муҳандислари ва партия ишчилари томонидан қурилган Ўзбекистон ҳозирги кунда юз минглаб фуқароларининг кучи билан келажакдаги Россияни яратмоқда. Москва билан Тошкент муносабатлари ҳақида эслаганда ўзбекнинг гази, урани ёки пахтасидан ҳам кўра масаланинг шу томонини кўпроқ ҳисобга олиш керак, деб ҳисоблайди мустақил журналист Пётр Бологов.

Ўзбекистон: Олий суд ғазабланган оламоннинг суд дарвозасини бузгани тўрисидаги хабарларга раддия берди

Ўзбекистон: Олий суд ғазабланган оламоннинг суд дарвозасини бузгани тўрисидаги хабарларга раддия берди

22.08.2017 12:05 msk

Ўзбекистон Олий суди 19 август куни “Фарғона” ахборот агентлигининг 15 август куни республика Олий суди раиси томонидан қабулни узоқ кутилишидан ғазабланган оламон тарафидан суд биноси дарвозасини йиқитгани тўғрисидаги хабарга раддия берди. Ўзбекистон Олий суди 19 август куни “Фарғона” ахборот агентлигининг 15 август куни республика Олий суди раиси томонидан қабулни узоқ кутилишидан ғазабланган оламон тарафидан суд биноси дарвозасини йиқитгани тўғрисидаги хабарга раддия берди. “Афсуски, мазкур веб сайтлар интернетда тарқатилган ахборотни текшириб кўрмасдан хулоса чиқаришга шошилишди, аслида содир бўлган ҳодисани бўрттириб кўрсатишди”, — дейилади Олий суд матбуот хизмати хабарномасида.

Ўзбекистон телевидениесида ислоҳотлар: Ҳайбаракаллачилик даври ўтдими?

Ўзбекистон телевидениесида ислоҳотлар: Ҳайбаракаллачилик даври ўтдими?

16.08.2017 12:04 msk

Ўзбекистон миллий телерадиокомпанияси (МТРК) Ўзбек ССР Давлат телерадиокомпаниясининг вориси. Мустақиллик йилларида ўзбек телевидениесининг вазифалари ва стилистикаси аслида ўзгармасдан, совет телевидениесининг аналоги шаклида қолди. Бироқ 2017 йилда миллий телерадиокомпаниядан ўзгаришлар талаб қилина бошлади. Охир-оқибат нима бўлди? Умуман олганда, ўзбекистонлик журналистлар янги форматда ишлашга тайёрмилар?

Ўзбекистон: Ўзгаришлар иллюзияси ва инвесторлар учун хатарлар – Фарғона вилояти мисолида

Ўзбекистон: Ўзгаришлар иллюзияси ва инвесторлар учун хатарлар – Фарғона вилояти мисолида

08.08.2017 20:48 msk

Ўзбекистоннинг янги раҳбарияти иқтисоднинг либераллашуви, режимнинг юмшатилиши ва коррупцияга қарши кураш ҳақида баёнотлар бермоқда. Унинг ҳаракатлари биринчи навбатда иқтисодиётга хорижий инвестицияларни жалб қилишга қаратилган. Аммо ўзгаришлар қанчалик ҳақиқатга яқин? Ислоҳотлар йўлида Ўзбекистон расмийлари нималарга тайёр? Ўзбекистонда инвестицион муҳит ўзгардими? Бу ерда инвесторларни қандай “сюрпризлар” кутмоқда? Шу саволларни Фарғона вилояти мисолида таҳлил қиламиз.

Ўзбекистонлик сиёсатшунос: Олий таълим муассасаларига барча истаганларни қабул қилиш керак, ана ўшанда коррупцияга ўрин қолмайди

Ўзбекистонлик сиёсатшунос: Олий таълим муассасаларига барча истаганларни қабул қилиш керак, ана ўшанда коррупцияга ўрин қолмайди

26.07.2017 08:48 msk

Олий таълим муассасаларига ҳеч қанақа чеклов қўлламай барча истаганларни қабул қилиш керак. Агар одамлар ўқиш учун пул тўлашга тайёр бўлсалар, ўқийверишсин. Улар тўлайдиган пул ўқув жараёнини ташкил этишга, ўқитувчиларга муносиб маош тўлашга етарли бўлади. Олий маълумотли одамлар қанчалик кўп бўлса, халқнинг савияси ҳам шунча кўтарилади. Ана ўшанда биз бепул таълим, бепул медицина ва арзон нон ҳақида орзу қилмай қўямиз, дейди ўзбекистонлик сиёсатшунос Марям Ибрагимова.

Ўзбекистонда режим алмашиши: “Бенуқсон ҳукмдор” ва чекланган либераллашув

Ўзбекистонда режим алмашиши: “Бенуқсон ҳукмдор” ва чекланган либераллашув

23.05.2017 17:30 msk

Ислом Каримовнинг ўлимидан сўнг Ўзбекистонда режимнинг алмашиши кўпчилик экспертлар ва таҳлилчиларнинг мамлакатнинг сиёсий келажаги юзасидан пессимизмини йўққа чиқарди ва янги умидлар пайдо қилди. Илгари консерватив бош вазир сифатида маълум бўлган Шавкат Мирзиёев бирданига режимни ўзгартириш зарурияти ҳақида гапира бошлади. Мамлакатнинг либераллашувига тинч сиёсий йўл билан ўтилиши сезила бошланди. Аммо аслида нималар бўлмоқда? Жавоби – Central Asian Analytical Network лойиҳасининг мақоласида.

Ўзбекистонлик мухолифатчи Баҳодир Чориев: Сиёсий ислоҳотлар ўтказилмас экан, ҳар қандай ўзгаришлардан наф йўқ

Ўзбекистонлик мухолифатчи Баҳодир Чориев: Сиёсий ислоҳотлар ўтказилмас экан, ҳар қандай ўзгаришлардан наф йўқ

18.05.2017 09:21 msk

Ўзбекистонда яқин ўн йил ичида иқтисодий ўсиш ва ривожланиш бўлмайди, негаки янги президент ўтмишдоши Ислом Каримовнинг йўлидан кета туриб, мамлакат учун ҳаводек зарур бўлган сиёсий ислоҳотларни ўтказмаяпти. Бу ҳақда АҚШда истиқомат қилаётган “Бирдамлик” халқ-демократик ҳаракатинингн раҳбари Баҳодир Чориев билдирмоқда. Ўзининг навбатдаги дастурий мақоласида у иқтидорга келган тақдирда Ўзбекистон иқтисодиётини ислоҳот қилиш бўйича режаларини батафсил баён этмоқда.

Стокгольмдаги теракт: Жамият шокка тушиб қолди, аммо шведлар ёвузликка қарши бирдамликда курашади

Стокгольмдаги теракт: Жамият шокка тушиб қолди, аммо шведлар ёвузликка қарши бирдамликда курашади

29.04.2017 18:08 msk

Ўзбекистонлик шахс томонидан Стокгольмда амалга оширилган террористик актни Швеция қандай қабул қилмоқда? Бу скандинав мамлакатининг фуқаролари полиция ва махсус хизматлар ишини қандай баҳоламоқда? Нега Тошкентдан билдирилаётган расмий баёнотларга Стокгольм унчалик ишонмайди? Бу ва бошқа саволларни таниқли швед журналисти, собиқ СССР давлатлари бўйича мутахассисс – жаноб Торгни Хиннемуга бердик.

Ўзбек радикализми – Каримов даври қатағонларининг кульминациясими?

Ўзбек радикализми – Каримов даври қатағонларининг кульминациясими?

17.04.2017 05:51 msk

Европадаги сўнгги шов-шувли терактлар (Истанбул, Санкт-Петербург, Стокгольм) ўзбеклар томонидан амалга оширилганидан бўйин товлаб бўлмайди. Бу Ўзбекистон махсус хизматлари учун яхшигина баҳона бўлиб хизмат қилади, энди шуни асос қилиб, улар кўп йиллик қатағонларни оқлашга ҳаракат қилиши ва ўзгача фикрловчиларга қарши курашишнинг ўрта асрлардан қолган усулларини сақлаб қолиши мумкин. Аммо бу террористларнинг ўзи қайсидир маънода Каримов режимининг жиноятлари маҳсулидир. Муҳожирликда яшаётган ўзбекистонлик журналист, “Америка овози” радиоси ўзбек хизматининг мухбири Малик Мансур бу ҳақда фикр юритади.

Ўзбекистон президентини Москва аэропортида ким кутиб олиши керак эди?

06.04.2017 17:56 msk

Ўзбекистон Республикаси президенти Шавкат Мирзиёев Россия Федерацияси Президенти Владимир Путиннинг таклифига биноан 4апрель куни давлат ташрифи билан Москвага жўнади... Ва аэропортда уни РФ Иқтисодий ривожланиш вазири Максим Орешкин кутиб олди. Воқелик шунақа. Лекин дипломатик протокол қўпол равишда бузилганини кўпчилик сезди. Ва бу ҳолат ижтимоий тармоқларда кенг муҳокама қилиниб, қораланди. Кўп йиллар давомида Ўзбекистон ташқи ишлар вазирлигида ишлаган ва айни пайтда Европа мамлакатларидан бирида истиқомат қилаётган Алишер Тақсанов ташрифлар қандай бўлиши кераклиги ҳақида фикр юритмоқда.

Ислом Каримов – одамми ёки аэропортми ёхуд жамоат манфаатини шахсийдан юқори қўйиш

Ислом Каримов – одамми ёки аэропортми ёхуд жамоат манфаатини шахсийдан юқори қўйиш

21.03.2017 18:34 msk

Хабар берганимиздек, бундан олдинроқ Тошкент халқаро аэропортига биринчи президент Ислом Каримовнинг номини беришга Ўзбекистон халқ шоири Жамол Камол (Камолов) қарши чиқди. У мамлакат янги президентига мурожаат қилиб, Каримов хотирасининг бу тарзда абадийлаштириш ҳақидаги фармонни бекор қилишни сўради. Бугун эса Ўзбекистон халқ артисти, профессор Зоҳид Ҳақназаровнинг эътирозини чоп этамиз. Унинг айтишича, “Ўзбекистон аҳолисининг бир қисми Ислом Каримовга ёдгорлик қўйиш уёқда турсин, унинг исмини умуман эшитмасликни маъқул кўради”.

Профессор Зоҳид Ҳақназаров: “Гапдан амалга ўтиш керак”

Профессор Зоҳид Ҳақназаров: “Гапдан амалга ўтиш керак”

17.03.2017 13:36 msk

Совет иттифоқи тарқаб кетганидан сўнг мустақилликни қўлга киритган Ўзбекистоннинг “бошланғич капитали” қўшниларникига қараганда анча катта эди. Тўқсонинчи йиллар бошида Ўзбекистон иқтисодий салоҳияти бўйича МДҲ мамлакатларининг етакчи гуруҳига кирган, Қозоғистон эса унчалик ривожланмаганлар гуруҳида эди. Орадан 25 йил ўтди, энди аҳвол қанақа? “Каримов ўзини буюк иқтисодчи деб ҳисоблаб, бозор иқтисодиётига ўтишнинг “ўзбек модели” ҳақидаги чўпчаги билан халқни алдаб юрганида Қозоғистон президенти Назарбоев ўз атрофига халқаро даражада таниқли иқтисодчиларни йиғиб, биргаликда кризисдан чиқиш режасини тузди”, деб ҳисоблайди тошкентлик профессор Зоҳид Ҳақназаров. Унинг мақоласини муштарийлар эътиборига ҳавола этамиз.

Орқадоғнинг ўзбек ўғиллари. Шавкат Мирзиёевнинг Туркманистонга ташрифига бағишлаб

Орқадоғнинг ўзбек ўғиллари. Шавкат Мирзиёевнинг Туркманистонга ташрифига бағишлаб

07.03.2017 05:04 msk

Олтинчи март куни Ўзбекистоннинг яқинда сайланган президенти Шавкат Мирзиёевнинг Туркманистонга икки кунлик давлат ташрифи бошланди. Шуниси аҳамиятлики, бу Ислом Каримов вафотидан кейин қўшни мамлакат раҳбарининг илк марта бошқа мамлакатга ташрифи бўлади. Ўзбекистон раҳбарининг бўлажак давлат ташрифи бўсағасида, 1970-1990-йилларда Туркманистонда юқори лавозимда бўлган собиқ амалдор бу мамлакатда ўзбеклар қандай яшаши ҳақида бизга сўзлаб беришга аҳд қилди.

1991 йил. Ўзбекистон президенти Ислом Каримов кимдан “микрофонни юлиб олган” эди?..

1991 йил. Ўзбекистон президенти Ислом Каримов кимдан “микрофонни юлиб олган” эди?..

19.02.2017 17:20 msk

Сўнгги йигирма йил давомида Марказий Осиёда нафақат Ўзбекистон Ислом ҳаракати тарихини, балки ҳатто ўн икки йил олдин содир бўлган Андижон қирғини ҳақида ҳеч нарса билмайдиган авлод улғайди. Шу бугун эътиборингизга ҳавола қилаётганимиз каби мақолалар ёш аудиториянинг тарих хотирасидаги оқ доғларни тўлдиришга ёрдам беради. Гап Ислом Каримовнинг 1991 йил декабрда Наманганда Тоҳир Йўлдошев билан учрашувчи ҳақида кетмоқда. Ўқинг, кўринг ва тингланг.

Шоир — президентга: Тажриба ўтказиб кўрайлик!

Шоир — президентга: Тажриба ўтказиб кўрайлик!

19.12.2016 20:23 msk

“Ҳурматли Шавкат Миромонович, сизни мушкул вазиятга тушиб қолган оддий инсон сифатида кўриб, мурожаат қилмоқдаман. Бу вазиятдан муносиб равишда чиқиш йўли бор. Бу унчалик мураккаб эмас: шунчаки амалдаги Конституцияга мувофиқ равишда иш юритиш керак – айнан Конституция сизнинг асосий кундалик қўлланмангиз бўлиши керак. XVIII асрда яшаган украин дарвиши Григорий Сковорода айтганидек, “керакли нарсаларни осонлаштирган ва қийин нарсаларни кераксиз қилган Худога шукр”...

Ўзбекистон: Шавкат Мирзиёевнинг виртуал қабулхонасига фуқаролар нима масалада мурожаат қилмоқда?

Ўзбекистон: Шавкат Мирзиёевнинг виртуал қабулхонасига фуқаролар нима масалада мурожаат қилмоқда?

02.12.2016 18:18 msk

Ислом Каримовнинг 25 йиллик даврида Ўзбекистонда шунчалик кўп муаммо йиғилиб қолдики, президент в.в.б. Шавкат Мирзиёевнинг “виртуал қабулхонаси” фуқаролар учун бир юпанчиқ бўлди: улар янги раҳбарга мурожаат қилганда энг жиддий муаммолар ва кўнгилсизликларнинг ҳал бўлиши йўлидаги орзу-истакларини баён қилмоқда. Янги ўзбек лидерига мурожаатлар тажрибасидан келиб чиқиш айтиш мумкинки, уларнинг бирортаси ҳам эътиборсиз қолмаяпти. Аммо амалдорлар кўпчилик ҳолларда одамларнинг ташвишли масалаларини ечишга расмий тарзда ёндашиб, қуруқ ёзма жавоблар билан кифояланмоқда.

Ўзбекистон - Туркия: Қабр тепасидаги қўл сиқишувлар

Ўзбекистон - Туркия: Қабр тепасидаги қўл сиқишувлар

30.11.2016 16:11 msk

Туркия президенти ҳамда Ўзбекистон президенти вазифасини бажарувчи Шавкат Мирзиёев, улар бировга ёқадиларми ёки йўқми, ўзларини прагматик, эски дилсиёҳликларни унута оладиган ҳамда муносабатларни қайтадан барпо этишга қодир сиёсатчилар сифатида намойиш этмоқдалар. Узоқ йиллар давом этган ўзаро таъна-маломат ва гина-кудуратлардан сўнг турк-ўзбек муносабатлари иқлимини тезда яхши томонга ўзгартира оладиларми?

Тошкентдаги НАТО алоқалар маркази ёпилмоқда. Аммо альянснинг минтақадаги фаолияти давом этади

Тошкентдаги НАТО алоқалар маркази ёпилмоқда. Аммо альянснинг минтақадаги фаолияти давом этади

18.11.2016 19:34 msk

“Фарғона”га ўз манбаларимиздан маълум бўлишича, НАТОнинг Марказий Осиё бўйича алоқалар маркази (Тошкентда жойлашган) келгуси йилда ёпилади. Бу офис Шимолий Атлантик альянснинг минтақадаги барча мамлакатлар билан алоқаларини бошқарар эди. Бунга нима сабаб бўлди? Бу саволларга жавоб олиш учун биз марказ раҳбари — Розария Пульизи билан боғландик, у барча саволларимизга жавоб беришга рози бўлди.

Ўзбекистон: “Миллатни оёққа турғизиш керак!”

Ўзбекистон: “Миллатни оёққа турғизиш керак!”

17.11.2016 09:12 msk

Ўзбекистон президентининг сайлови яқинлашмоқда. Айрим кузатувчилар бош номзод – Шавкат Мирзиёевнинг сайловдан олдинги ваъдаларидан хурсанд бўлмоқда. Бошқаларнинг нолишича, ҳокимият алмашиши яна конституцияга хилоф равишда бўлмоқда, тахтга барча “альтернатив” номзодлар эса қўғирчоқ, узурпатор қўлидаги ўйинчоқдан бошқа нарса эмас. Шу билан бирга, номзодлар дастурларида энг асосий масала ҳақида гап йўқ – дейди ишонч билан Ўзбекистон халқ артисти, профессор Зоҳид Ҳақназаров.

Қозоғистон vs Ўзбекистон: Ғайирлик ва лидерлик

Қозоғистон vs Ўзбекистон: Ғайирлик ва лидерлик

16.11.2016 09:24 msk

Қозоғистонда доим Ўзбекистонга нисбатан анчагина ғайирлик билан қараб келишган. Тошкентда метро қурилганми, бўлди, Олма-Отада ҳам бўлиши керак. Пойтахтдаги аҳоли миллионга етмайдими? Атрофдаги посёлкаларни қўшамиз! Олма-Отадан Астанагача тезкор темирйўл қурсак, ўзбек “Афросиёби” ортда қолиб кетади. Сиёсатда ҳам шунақа “бизники барибир зўр бўлади” тамойили қўлланади.

Ўзбекистонда очиқ сиёсат пайдо бўлмоқда. Бу кетишда сўз эркинлигига ҳам эришамиз

Ўзбекистонда очиқ сиёсат пайдо бўлмоқда. Бу кетишда сўз эркинлигига ҳам эришамиз

10.11.2016 04:59 msk

Ўзбекистондаги вазият демократик кайфиятдаги кузатувчилар ва аҳолига маъқул тушмоқда. Сайловдан олдинги фаол ҳаракатлари билан бўлажак президент Шавкат Мирзиёев мамлакат раҳбари мунтазам алмашиб туриши зарурлигини тасдиқламоқда. Мамлакатда Ислом Каримовдан бошқа нотиқлар ва сиёсатчилар борлиги ҳам бирданига маълум бўлиб қолди.

Тожикистон-Ўзбекистон: Мамлакатлар ўртасидаги муносабат тубдан ўзгариши мумкинми?

Тожикистон-Ўзбекистон: Мамлакатлар ўртасидаги муносабат тубдан ўзгариши мумкинми?

27.10.2016 09:06 msk

Шу ҳафта бошида Тожикистоннинг Сўғд вилоятига Ўзбекистоннинг Фарғона вилоятидан бир гуруҳ расмийлар меҳмон сифатида ташриф буюрди. Вилоят маъмурияти раҳбарининг ўринбосари бошчилигида улар Хўжанд ва Исфара шаҳарларининг саноат корхоналари, тарихий ва маданий ёдгорликларида бўлишди. Нима учун? Шуни “Фарғона” мухбирлари ва уларнинг саволларига жавоб берувчи экспертлар аниқлашга ҳаракат қилишди.

Ўзбекистон: Ўзгаришларга умид қилса бўладими?

Ўзбекистон: Ўзгаришларга умид қилса бўладими?

16.10.2016 13:56 msk

Шарҳловчилар ва кузатувчилар Ўзбекистондаги янги давлат раҳбари – президент вазифасини вақтинчалик бажарувчи Шавкат Мирзиёев даврида содир бўлаётган ўзгаришларни қизиқиш билан кузатишмоқда. Айримлар унинг фармойишларидан хурсанд бўлса, қолганлар фармойишларни содда одамлар ва чет элликларга мўлжалланган “бутафория” деб атамоқда. Аммо бу мамлакат энди қайси йўналишда ривожланишини тушуниш учун биттагина аломат бор.

Ўзбекистон президенти қанақасига сайланиши керак ёки “Юртбошининг руҳи” шод бўладими

Ўзбекистон президенти қанақасига сайланиши керак ёки “Юртбошининг руҳи” шод бўладими

27.09.2016 15:11 msk

Бош вазир Шавкат Мирзиёквни Ўзбекистон презимденти вазифасини бажарувчи лавозимига тасдиқлаш жараёнида Ўзбекистон расмийлари жаҳон ҳамжамияти олдида ўзини оқлашга ҳамда бу каби қарор Конституцияга зид келмаслигини юридик жиҳатдан далилларни келтириб асослаб беришга мажбур бўлдилар. Келтирилган далиллар жуда ҳам заиф. Келинг, ўзбек юриситлари конституцияга зид равишда ҳокимият тизгиларини бош вазирга топшириш бўйича ҳаракатларнинг қонуний эканлигини қай тарзда изоҳлаётганлари ва мустақил юристлар бу изоҳларни қанақа қилиб шарҳлаётганларини кўриб чиқайлик.

Бошқа янгиликлар

Воқеалар хроникаси

РЕКЛАМА